Aspérges me, Dómine, hyssópo, et mundábor: lavábis me, et supernivem de albábor. Miserére mei, Deus, secúndum magnam misericórdiam tuam. Glória Patri, et Filio, et Spiritui Sancto. Sicuterat in principio, et nunc et semper, et in saécula saeculórum. Amen.

V. Ostende nobis, Domine, misericordiam tuam.

R. Et salutare tuum da nobis.

V. Domine, exaudi orationem meam.

R. Et clamor meus ad te ven-iat.

V. Dominus vobiscum.

R. Et cum spiritu tuo.

V. Oremus. Exaudi nos, Domine sancte, Pater omnipotens, aeterne Deus: et mittere digneris sanctum Angelum tuum de caelis; qui custodiat, foveat, protegat, visitet, atque defendat omnes habitantes in hoc habita-culo. Per Christum Dominum nostrum.

R. Amen.

​

1 Adoro te devote, latens Deitas, Quae sub his figuris vere latitas: Tibi se cor meum totum subicit, Quia te contemplans totum deficit.

2 Visus, tactus, gustus in te fallitur, Sed auditus solo tuto creditur: Credo quidquid dixit Dei Filius: Nil hoc verbo veritatis verbo verius.

3 In cruce latebat sola Deitas, At hic latet simul et humanitas: Ambo tamen credens atque confitens, Peto quod petivit latro paenitens.

4 Plagas, sicut Thomas, non intueor: Deum tamen meum te confiteor: Fac me tibi semper magis credere, In te spem habere, te diligere.

5 O memoriale mortis Domini, Panis vivus vitam praestans homini, Praesta mean menti de te vivere, Et te illi semper dulce sapere.

6 Pie pellicane, Jesu Domine, Me immundum munda tuo sanguine, Cuius una stilla salvum facere Totum mundum quit ab omni scelere.

7 Jesu, quem velatum nunc aspicio, Oro fiat illud quod tam sitio: Ut te revelata cernens facie, Visu sim beátus tuae gloriae.